Kryetari i Partisë Republikane, Fatmir Mediu, ka reaguar në lidhje hajen e negociatave për vendin tonë. Ai e ka cilësuar hapjen e negociatave për Shqipërinë si fundin e një fillimi të ri “përgjegjësie dhe pune konkrete” e institucioneve dhe politikës shqiptare. Ai shprehet se konferenca e parë ndërqeveritare është sukses i shqiptarëve. Mediu theksoi se s’ka nevojë për triumfalizëm, por përgjegjësi dhe bashkëpunim për ta bërë Shqipërinë Europiane
“Hapja e negociatave për anëtarësimin e Shqipërisë me Bashkimin Europian dhe konferenca e parë ndërministrore është sukses i shqiptarëve. Ky është fundi i një fillimi të Ri përgjegjësie dhe pune konkrete të Institucioneve dhe politikës shqiptare. Padyshim krijohet një marrëdhënie e re dhe mundësi ekonomike me BE dhe fondet e saj. kuvendi ka një rol shumë të rëndësishëm jo vetëm në përafrimin e legjislacionit, por dhe analizën e gjithë kapitujve të marrëveshjes për anëtarësim.
Lufta kundër krimit dhe korrupsionit, zhvillimi i qëndrueshëm ekonomik dhe respektimi i të drejtave dhe lirive të qytetarëve tanë janë detyrime parësore. Garantimi i zgjedhjeve të lira dhe të ndershme është një emergjencë dhe domosdoshmëri Nuk ka nevojë për triumfalizëm, por përgjegjësi dhe bashkëpunim për ta bërë Shqipërinë Europiane”, është shprehur ai.
Discussion about this post