Dy ngjarje të rënda u shënuan brenda pak ditësh në bregdetin e Jugut, ku dy mjete lundruese goditën rëndë pushuesit në plazh. Agostin Sefa u përplas nga gomonia në bregdetin e Jalës të shtunën e 16 korrikut dhe pavarësisht se iu nështrua 3 ndërhyrjeve kirurgjikale, ende po lufton për jetën. Ndërsa tjetri ndodhi në zonën e Jonufras në Vlorë, ku motoskafi goditi një 7-vjeçar, i cili fatmirëisht shpëtoi mrekullisht.
Pas këtyre ngjarjeve të rënda, Policia Kufitare dhe Roja bregdetare e Vlorë nuk kanë kryer asnjë kontroll ndaj motorëve të ujit që po rrezikojnë pushuesit.
një vëzhgim këtë të martë në Jalë, Dhërmi dhe Radhimë. Motorët e ujit shihen të lundrojnë dhe kryejnë manovra të rrezikshme fare pranë brigjeve.
“Kam parë motorë uji që ecin me shpejtësi sa të vjen frikë. Ata bëjnë ca u do qejfi se nuk ka kontrolle”, tha një qytetare.
“Nuk ka siguri, shteti e ka fajin që lë këta horat, mafian që luajnë me skafe afër njerëzve. Duhet te qëndrojnë 2 milje larg bregut”, u shpreh një tjetër qytetar në Vlorë.
E njëjta situatë është në plazhet në veri të vendit! Në Velipojë grupi i xhirimit të Report TV filmoi një “jetski” që kryen manovra në një distancë të afërt me pushuesit që po lahen në det…
Po kështu në Shëngjin, pushuesit shprehin shqetësim për mungesën e kontrolleve ndaj mjeteve motorike, si varka, gomone e motorë uji që nuk respektojnë kufizimet me bova detare.
“Jashtë vijave kufizuese kam parë të lëvizin. Policia me skaf nuk patrullon. Mendoj se duhet të ketë kontrolle se prezenca e policisë të jep siguri”, thanë pushuesit në Shëngjin.
Në bazë të ligjit “127/2020” për regjistrimin, mënyrën e përdorimit dhe kontrollin e mjeteve lundruese turistike dhe të argëtimit, në pronësi të operatorëve turistike, duhet të ushtrohen kontrolle nga Policia Kufitare dhe Autoriteti Portual. Për ata që kryejnë manovra të rrezikshme dhe nuk lëvizin brenda kufizimeve detare, ligji parashikon gjobë në masën 50 000 lek deri në bllokim të mjetit lundrues.
Discussion about this post