Vatra e zjarrit në Lezhë vijon të jetë problematike. Flakët po shkrumbojnë masivin pyjor në dalje të qytetit të Lezhës ku ndodhen dhe shumë banesa, të cilat rrezikohen nga flakët. Pavarësisht ndërhyrjeve të zjarrfikësve të cilët së bashku me banorët e zonës po bëjnë të mundur shuarjen e flakëve mësohet se rrezikohet dhe një karburant aty afër.
Prefekti i Lezhës, Gjergj Prendi komentoi situatën me zjarret në këtë qarq pas riaktivizimit gjatë ditës së sotme. Sipas Prendit, ka pasur shpërthime municionesh dhe se situata paraqitet dramatike. Prendi theksoi se kemi të bëjmë me një zjarrvënie të qëllimshme.
“Situata është dramatike, por me gjithë masat që kemi marrë me bashkinë Lezhës, emergjencat civile është në përmirësim. Dje pasdite ka pasur intensitet të flakëve të ndikuara nga era e fortë dhe temperaturat e larta. S’kemi pasur djegie të banesave apo lëndime në njerëz. Ka pasur shpërthime të municioneve të ndryshme, që janë vendosur nga banorë të zonës. Në operacion janë 5 zjarrfikëse, janë ndarë në dy grupe. Dy vatra që rrezikonin banesat u vendos në kontroll, situata është optimiste”, u shpreh ai.
Discussion about this post