Pas aksidenteve të rënda të ndodhura përgjatë vijës bregdetare, ku mjetet lundruese goditën disa pushuese, autoritetet kanë marrë masat e para. Mësohet se policia Kufitare e Vlorës ka nisur një aksion për kontrollin e dokumentacionit të të gjitha mjeteve lundruese që nga motorat e detit deri tek mjetet e shpejta si skaf apo gomone. Aksioni do të vijojë edhe në ditët e pikut të sezonit, ku mjetet lundruese do të jenë të shumta. Ditën e sotme janë proceduar disa drejtues motorash deti dhe kanë marrë masa administrative me gjobë dhjetëra qytetarë që lëviznin afër bregut të detit.
Ngjarja e Jalës
Pushimet e një çifti në plazhin e Jalës desh u kthyen në një tragjedi kur një gomone i përplasi. Mësohet se drejtuesi i mjetit lundrues ka tentuar të nxjerrë gomonen në breg por nuk ka arritur ta ndalojë në kohë. Për pasojë janë lënduar çifti i pushuesve. Bëhet me dije se njëri prej tyre dëmtime në brinjë dhe fytyrë ndërsa vajza ka gërvishtje të lehta. Të dy personat gjenden në spitalin e Himarës duke marrë mjekime.
Çifti 31-vjeçari Augustin Sefa dhe 25-vjeçarja Era Gj janë turistë shqiptarë dhe kanë qenë duke qëndruar në breg në momentin që gomonia i ka goditur.
Ngjarja në Vlorë
Një 7-vjeçar është përplasur nga një gomone pasditen e sotme në Vlorë. Dje, rreth orës 17:40, në plazhin e Jonufrës, shtetasi H. K., rreth 40 vjeç, duke drejtuar një mjet lundrues tip gomone ka humbur kontrollin dhe ka dëmtuar një 7-vjeçar, i cili ka qenë duke notuar në afërsi të bregut.
Sipas informacioneve, fëmija ndodhet në spital, jashtë rrezikut për jetën.
Discussion about this post