Një parcelë me kanabis është zbuluar ditën e sotme në fshatin Zallbastar. Burime nga policia bëjnë me dije se në kuadër të operacionit të koduar “Kodër Lucë” është arrestuar një 48- vjeçar dhe është vënë në hetim vëllai i tij.
I arrestuari është identifikuar me iniciale A. H., 48 vjeç, banues në Kamzë dhe personi i vënë në hetim është identifikuar me iniciale T. H., 42 vjeç, banues në Kamzë.
Pronari i parcelës A. H., në bashkëpunim vëllain e tij T. H., dyshohet se ka kultivuar bimë narkotike, në vendin e quajtur “Kodër Lucë”, në fshatin Zallbastar.
Materialet procedurale iu referuan Prokurorisë, për veprime të mëtejshme procedurale.
Discussion about this post