Një efektiv policie është kapur brenda Komisariatit të Kukësit, me një sasi të konsiderueshme lëndësh narkotike e dyshuar marijuanë. Menjëherë pas dyshimeve se efektivi posedonte drogë, kolegët e tij brenda këtij komisariati e kanë “zhveshur” policin K.M. Mësohet se marijuana iu gjet fshehur në çorape, me një paketë me mbishkrimin “Malboro”.
“Në datë 19.07.2022, rreth orës 23:00, u arrestua në flagrancë punonjësi i K.M me detyrë punonjës policie në IEVP Kukës, sepse rreth orës 15:00, gjatë hyrjes në institucion pas ushtrimit të kontrollit nga kolegët e tij, i është gjendur në këmbën e majtë poshtë çorapes i 1 (një) paketë me mbishkrimin “Malboro” e mbështjellë me ngjitës të tejdukshëm (natriban), ku brënda saj ishin 20 (njëzetë) doza të dyshuara lëndë narkotike (marijuanë), me peshë 16.65 gr.
Janë kryer veprimet e para dhe u referuan materialet në Prokurorinë Pranë Gjykatës së Shkallës së Parë Kukës, për veprat penale “Prodhim dhe shitje të lëndëve narkotike” sipas nenit 283 të Kodit Penal dhe “Futje dhe mbajtje e sendeve të ndaluara në I.E.V.P.” sipas nenit 324/a të Kodit Penal.”-njoftojnë blutë e Kukësit.
Discussion about this post