Sulmet ruse ne Ukrainë sollën shumë trazira, largime në masë dhe mijëra të vdekur. Nga ky kaos janë zhdukur mijëra fëmijë jetim dhe të varfër, që dikur i shihje nëpër rrugët e qyteteve. Por, me këto trazira trafikantë njerëzorë të gjitha llojeve kanë zbarkuar në Ukrainë me justifikime nga më naivet te ato më djallëzoret, për të shënjestruar fëmijë të dobët ose të pashoqëruar në kufirin Ukrainë-Poloni, thonë grupet që po ndihmojnë evakuimin e jetimoreve në zonat e rrezikuara. Grupi i ndihmes ‘Aerial Recovery’ ka në përberë aktivistë dhe veteranë të ushtrisë së SHBA dhe thotë se ka organizuar kalimin e rreth 200,000 fëmijëve nga jetimoret e Ukrainës drejt familjeve të përkohshme ne Evropë.
Por në shumë raportime flitet për situata kaotike dhe abuzime të panumërta në situata ku askush nuk kërkon llogari, ndërsa shumë prej të vegjëlve të pafat kanë rënë pre e trafikantëve njerëzorë. Aerial Recovery, me ish-veteranë të SHBA që ndihmojnë njerëz në situata të rënda humanitare, thotë se po punon me autoritetet në Ukrainë për krijimin e një sistemi për regjistrimin e fëmijëve jetimë në Ukrainë, numri i të cilëve është dëshpërimisht i lartë. “Qeveria nuk e ka kapacitetin për trajtuar këtë problem”, tha për BBC kreu i operacioneve Jeremy Locke.
Discussion about this post