Një tjetër grup shqiptarësh të dënuar në Britani të Madhe do të kthehen sot drejt Shqipërisë. Mësohet se bëhet fjalë për rreth 26 shqiptarë të dënuar për krime të ndryshme duke filluar nga trafiku i drogës deri tek sulmi ndaj një polici anglez.
Të gjithë të dënuarit me plot 88 vjet burg gjithsej janë rikthyer sot në vendin tonë përmes fluturimit charter me avion. Tre prej këtyre personave kishin hyrë ilegalisht në Mbretërinë e Bashkuar, të tjerët janë dënuar me 20 vite burg për trafik droge ndërsa një tjetër ishte dënuar me më shumë se 4 vite burg për rrëmbim dhe sulm ndaj personit.
Një tjetër shqiptar rezultonte i dënuar me pesë vjet burg për armëmbajtje pa leje, ndërsa një tjetër që bën pjesë në listën e të dëbuarve kishte hyrë në Britani muajin e fundit me anë të gomones për një jetë më të mirë.
Gjithashtu, një tjetër u kap për trafik droge gjatë një kontrolli rutinë. Sipas policisë, ai kishte mbërritur në Mbretërinë e Bashkuar nga Gjermania duke përdorur një pasaportë false, por nuk mbante mend se kur kishte hyrë në vend. Ai pranoi të rikthehej vullnetarisht në Shqipëri.
Discussion about this post