Noizy, emri i vërtetë i të cilit Rigels Rajko, është një ndër reperat më të suksesshëm në Shqipëri dhe jashtë saj, ku hitet e tij gjithmonë arrijnë shikueshmëri të lartë.
Ai kohët e fundit ka bërë paqe me shumë personazhe të botës së muzikës duke filluar që nga reperi Stresi, me të cilët ka patur konflikte dhe përplasje, duke lënë pas historitë e së kaluarës. Por, nuk e dimë nëse ndonjëherë do ulen gjakërat mes tij dhe Ghetto Geasy apo ish-pjesëtarëve të grupit të tij “Babastars”.
Për gati dy dekada Babastars dhe OTR (grupi i Noizyt) kanë qenë në konkurencë të vazhdueshme, të cilët shpesh kanë pasur edhe konflikte fizike dhe sherre të mëdha. Vitet e fundit ata nuk janë përplasur më me njëri-tjetrin, edhe pse Noizy këndon akoma në koncertet e tij një nga këngët më të vjetra “Jena mbretër”, që është diss për “Babastars”, të quajtur “Babarecords” gjatë kohës së publikimit të këngës.
Në tekstin e këngës “Jena Mbretër” thuhet: “Na jena mbretër, kryesorët e natës. F*CK BABA RECORDS, ju jeni krejt pederasta“. Këtë këngë reperi e ka kënduar në koncertin e tij të fundit, ku menaxheri i lokalit ka qenë pikërisht menaxheri i grupit “Babastar”, Dekorim Sahiti. (Shiko këtu për videon). Videoja po bën xhiron e rrjetit nga ndjekësit që shkruajnë se Noizy i ka bërë diss “Babastars” në shtëpinë e tyre, Kosovë.
Discussion about this post