Digjet mjeti ‘Smart’ në Korçë, Policia: Në pronësi të 34-vjeçares, nisim hetimet

Digjet qëllimisht mjeti në Korçë. Forcat blu bëjnë të ditur se mjetit në pronësi të gruas me inicialet L.Z, 34-vjeçe iu është vënë flaka.

Ngjarja ka ndodhur në orën 01:30, në lagjen numër 10 të Korçës. Policia ka dyshime se mjetit ‘Smart’ të parkuar mund ti jetë vënë zjarri qëllimisht. Policia ka nisur punën për të identifikuar dhe kapur autorët si dhe për të zbardhur rrethanat e ngjarjes.

“Më datë 23.07.2022, rreth orës 01:30, në lagjen nr. 10, Korçë, ka rënë zjarr dhe është djegur plotësisht automjeti tip “Smart” në pronësi të shtetases L. Z., 34 vjeçe, banuese në Korçë, i parkuar në afërsi të banesës së saj. Nga hetimet e kryera, dyshohet se zjarri mund të jetë vënë qëllimisht. Nga ana e Policisë po punohet për identifikimin dhe kapjen e autorit/ëve si edhe zbardhjen e rrethanave të ngjarjes”, njofton policia. 

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.