Kryeministri Edi Rama ka paralajmëruar kohë të vështira për sa i përket çmimit të energjisë. Sipas tij, edhe Gjermania që është një nga vendet më të fuqishme në Europë ka filluar shkurtimet në mënyrë që të kursejë sa më shumë energji.
Sipas Ramës, në Gjermani kanë vendosur që të ndalojnë ujin e ngrohtë në shkolla. Për sa i përket Shqipërisë, sipas Ramës është gati plani i kursimit, por shtoi se ky plan do të aplikohet në situata emergjente.
“Është përgatitur plani i shkurtimeve. Gjermani po heq ujin e ngrohtë nga shkollat. Kur Gjermani heq ujin e ngrohtë dhe ka hyrë tani i gjithë sistemi politik gjerman se kush gjen ide për të shkurtuar dhe për tu mbrojtur parafytyro vende të tjera. Flasim edhe për shkurtime tërësore dhe të shkurtimit me energji. Ne kemi planin por është plan emergjence. Duhet të fillojnë të kursejnë. Pse duhet të jenë ndezur dritat tani ? Se pronarit këtu nuk i ka ardhur fatura e merituar. Se po ti vinte dhe librat do i lexonte me neonin e rrugës. Kjo është gjëja që duhet të përfshihemi. Se kërkoni dopio ura… të kuptoni se nuk është momenti i duhur. Edhe njerëzit të kuptojnë dhe sensibilizohen”, tha Rama.
Discussion about this post