Emigrimi me gomone për në Angli shpesh herë ka rezultuar fatal për shumë emigrantë. Por, sërish, dëshira për një jetë të mirë nuk i ndal qytetarët e vendeve të varfra që ta provojnë këtë mundësi. Ditën e sotme 48 emigrantë, shumica prej tyre shqiptarë janë shpëtuar jashtë Gjirit të Sommes në Francë. Ata ishin duke kaluar me gomone 8 metra të gjatë në Pade-Kale me qëllim që të hynin në Britaninë e Madhe. Gjatë udhëtimit atyre iu është dëmtuar motori i gomones dhe për pasojë kanë mbetur në det mëngjesin e sotëm.
Për këtë është dashur ndërhyrja e rojeve bregdetare franceze dhe skuadrat e tyre të shpëtimit për të bërë të mundur nxjerrjen në breg të 48 emigrantëve, shkruan France3. Shumica e emigrantëve ishin shqiptarë meshkuj, pesë gra dhe tre fëmijë. Ekipet e shpëtimit i vendosën emigrantët në portin e Le Tréport duke i dërguar me ambulancë në urgjencë për të trajtuar problemet shëndetësore të tyre të mundshme.
Discussion about this post