Ditën e nesërme Ilir Metës i përfundon mandati si president dhe këtë mbrëmje ai ka zhvilluar aktivitetin e fundit zyrtar. Meta ka vlerësuar me “Dekoratën e Flamurit Kombëtar”, poetin e atdheut dhe dashurisë, Dritëro Agollin. Duke përmendur të gjitha kontributet që shkrimtari ka dhënë për vendin tonë.
“Me vlerësimin më të lartë për personalitetin e shquar të letërsisë, kulturës dhe trashëgimisë sonë kombëtare, i cili me veprën e tij të pashembullt poliedrike e shumëdimensionale: letrare, artistike, estetike, filozofike, enciklopedike, akademike, politike dhe shoqërore, mishëroi virtytet më të vyera të shqiptarizmës si dhe ngjizi në shpirtin e kombit shqiptar atdhedashurinë dhe patriotizmin, dashurinë për tokën, njeriun dhe gjuhën e bukur shqipe, duke u kthyer në një shërbestar humanist dhe apostull besnik i ëndrrës shekullore të rilindësve tanë”, thuhet në deklaratën e Metës.
Ky është edhe aktiviteti i fundit zyrtar i Presidentit të Republikës, Sh.T.Z Ilir Meta. Nesër vendin e tij e merre presidenti i ri Bajram Begaj.
Discussion about this post