Kanë kaluar 3 ditë dhe vatra e zjarrit vazhdon të jetë aktive në njësinë administrative Tërpan të bashkisë së Poliçanit. Ditën e sotme zjarri është shfaqur në fshatin Paraspuar, vatra e re e zjarrit ishte shfaqur në orët e para të mëngjesit ditës djeshme por flakët kanë përpirë me shpejtësi shkurre e pisha duke iu afruar banesave të fshatit.
Lidhur me situatën bëhet me dije se kanë qenë banorët e fshatrave të cilët të alarmuar kanë njoftuar MZSh Poliçan duke filluar vet fillimisht dhe duke iu bashkuar forcave të zjarrfikësve të Poliçanit.
Pas disa orësh në luftë me flakët zjarri është vën nën kontroll rreth mesnatës.
Burime të MZSh Poliçan bëjnë me dije se zjarret kanë qenë të qëllimshme për hapje kullotash. Megjithëse është dita e tretë dhe dëmet në pyje me pisha e shkurre janë të konsiderueshme asnjë autor apo i dyshuar nuk është vënë në pranga
Discussion about this post