Ndërtimet pa kriter dhe në shkelje të ligjit janë kthyer tashmë në një trend në Tiranë. Një denoncim të tillë kanë bërë sot banorët e Paskuqanit, të cilët kanë dalë në protestë, pasi pranë lagjes së tyre po ndërtohet një pallat, i cili iu sjellë shumë probleme. Banorët kanë dalë në protestë ditën e sotme kundër firmës e cila në sajë të punimeve për një pallat në ndërtim, ka bllokuar të gjithë rrugën në të cilën qarkullojnë banorët.
Ata tregojnë se për shkak të gërmimeve që po bën firma nën tokë, rruga kryesore ka pësuar dëmtime të cilat rrezikojnë edhe shembjen e banesave të tjera. Ndërkohë bie në sy fakti se për të bllokuar rrugën, firma ka përdorur divane dhe kolltukë dhe sende të tjera shtëpiake, duke “izoluar” prej ditësh banorët që jetojnë në këtë zonë.
“Nuk jemi kundër ndërtimeve, por ka javë që kjo rruga këtu nuk përdoret. Kemi edhe ne urgjenca, kemi të sëmurë. Nuk bllokohet rruga me divane e kolltukë se është turp. Jo vetëm të pasigurtë por ne ndihemi sikur nuk ekzistojmë fare. Këta e bllokojnë dhe thonë se duan ta bëjnë, pra thonë si të duam ne bëhet. Unë kam dhënë 800 mijë lekë si familje për të kontribuuar për shtrimin e këtij asfalti. Rruga është e jona, e kemi paguar vetë, ndërsa bashkia vetëm ndriçimin ka vënë”, u shprehën banorët. Ndërsa kanë deklaruar se kanë bërë ankesë në bashki, pro askush nuk e ka dëgjuar zërine e tyre.
Discussion about this post