Kjo është fotoja e “killerit” me tre emra që u ekstradua sot nga Mbretëria e Bashkuar. 42-vjeçari, Lekë Prendi alias Aleks Kola dhe Nikolin Pacani akuzohet për vrasjen e një kleriku në Shqipëri.
Krimi ka ndodhur më 10 Prill 2000, kur sipas hetimeve, gjatë një grabitje autobusi në Kukës, Lekë Prendi ka qëlluar me armë dhe për pasojë është vrarë kleriku Gjovalin Prendi.
Pas krimit, Lekë Prendi ka arritur të arratisej nga vendi dhe u fsheh në Angli duke përdorur identitete të rreme.
Lekë Prendi është arrestuar vite më parë. Gjykata britanike e ekstradimeve ‘Ëestminster Magistrates’ vendosi që ai të ekstradohej por çështja mbërriti në Gjykatën e Lartë angleze “High Court” e cila e bllokoi ekstradimin në vitin 2015. Megjithatë Ministria e Drejtësi në Shqipëri lëshoi një urdhër të ri për arrestimin e tij duke sjellë një provë të re përpara gjykatës. Lekë Prendit i ishin marrë shenjat e gishtërinjve në Itali kur fshihej atje përpara se të mbërrinte në Angli. Në Itali, Prendi kishte deklaruar se quhej Nikolin Pacani. Gjyqtari Tan Ikram tha se Aleks Kola dhe Lekë Prendi ishte i njëjti person dhe se duhet të ekstradohej.
Gjykata e Apelit Shkodër e ka dënuar këtë shtetas me 21 vjet burgim, për veprat penale “Vrasja” e kryer në bashkëpunim, “Vjedhja me pasojë vdekjen” dhe “Armëmbajtja pa leje” .”-thuhet në njoftimin e policisë shqiptare.
Discussion about this post