Ylli Brahimi miku i Ervis Martinjat e person i përfshirë në vepra të rëndë kriminale, ndodhet në gjendje të rëndë te spitali i Traumës, pas atentatit të shënuar disa ditë më parë në Milot.
Brahimi dyshohet se ishte shënjestra e atentatit nga hetimet dhe raportimet e bëra deri më tani nga gijotina.com. Por viktimë mbeti personi që e shoqëronte Klisman Preçi, gjithashtu njeri i njohur me personazhin e krimit Ervis Martinajn.
Hetimet duket se kanë mbetur pezull për këtë ngjarje pasi deri më tani në tryezë kemi vetëm të dhëna për të shkuarën kriminale të dy personave të shënjestruar dhe një pjesë të dinamikës së ngjarjes e cila gjithashtu ngrihet mbi dyshime por jo fakt konkrete.
Duket se Prokuroria dhe grupet hetimore janë në pritje të dëshmisë së Ylli Brahimit, i cili ndodhet në gjendej të rëndë te Trauma dhe nuk dihet nëse do i shpëtojë plumbave të marrë në trup.
Ngjarja e rëndë ndodhi në hyrje të pallatit ku banonin Brahimi dhe Preçi. Autorët, që po i ndiqnin prej kohësh, dolën nga mjeti i blinduar dhe më pas e qëlluan me breshëri plumbash, plot 108 të tillë, duke bërë shoshë edhe mjetin anti-plumb. Të dy të rinjtë u dërguan me urgjencë në spital, por 28-vjeçari Preçi ndërroi jetë.
Kjo ngjarje dyshohet të ketë lidhje me atentatin e ndodhur në 17 korrik në Fushë-Krujë ku mbetën të vrarë Brilant Martinaj, Dikler Vata, dhe Besmir Hoxha, por nuk ka asnjë fakt që i lidh të dyja atentate, veç të shkuarave të tyre që ndërlidhen.
Discussion about this post