Një tjetër vatër zjarri është aktivizuar sot në masivin pyjor, në fshatin Ndershen të Njësisë Administrative të Oroshit, në Mirditë. Mësohet se flakët janë përhapur me shpejtësi në zonë, të cilat janë favorizuar edhe nga era, duke vënë në rrezik banesat aty pranë.
Forcat zjarrfikëse kanë mbërritur në vendngjarje, por për shkak të terrenit të thyer malor, ndërhyrja është e pamundur.
Emergjencat civile në prefekturën e Lezhës kanë kërkuar ndërhyrje me helikopter nga ajri për shuarjen e zjarrit.
Discussion about this post