Një 33-vjeçar shqiptar është shpallur në kërkim ndërkombëtar nga policia greke. Ai është denoncuara nga një 22-vjeçare greke për ngacmim dhe dhunë seksuale. Sipas të dhënave të publikuara, ngjarja ndodhi të dielën në një klub nate në Neo Marmara, Halkidiki, ku shqiptari shkonte rregullisht, shkruajnë mediat greke.
Pasi e reja ka kontaktuar me komisariatin e Sithonisë, ka nisur kërkimi për kapjen e të akuzuarit, por nuk është bërë e mundur gjetja e tij.
Ndaj tij është ngritur akuza për fyerje të dinjitetit seksual dhe lëndim trupor. Dosja do t’i dërgohet Prokurorisë së Shkallës së Parë Polygyro, ndërsa njoftohet se policia ka identifikuar përdhunuesin dhe është në gjurmët e tij. Mendohet që ai është ende në tokën helene dhe nuk ka mundur të kalojë kufirin.
Discussion about this post