Një fuoristradë luksoze Range Rover është sekuestruar nga Policia e Kosovës në Doganën e Vërmicës, teksa ka qenë duke kaluar kufirin nga Shqipëria. Mjeti drejtohej nga një 30-vjeçar, i identifikuar me inicialet U.R.
Gjatë kontrollimit të mjetit Range Rover dhe numrit identifikues të tij, ka rezultuar se ky automjet është raportuar i vjedhur në Itali, në vitin 2021. Më pas dyshohet se i janë falsifikuar dokumentet e automjetit dhe i njëjti është ri–regjistruar në Shqipëri.
“Policia e Kosovës në bashkëpunim me Policinë e FRONTEX, të cilët janë me mision në PKK Vermicë, është bërë verifikimi më i detajuar i automjetit dhe pas një pune hetimore dhe verifikimeve të kryera, ka rezultuar se ky automjet është raportuar i vjedhur në Itali, në vitin 2021. Më pas dyshohet se i janë falsifikuar dokumentet e automjetit dhe i njëjti është ri–regjistruar në Shqipëri,”- thuhet në njoftim.
Në lidhje me rastin është njoftuar Prokurori i Shtetit në Prizren, i cili ka urdhëruar që të iniciohet rasti dhe vetura të sekuestrohet.
Discussion about this post