Aktori Julian Deda ka zbuluar mbrëmjen e sotme se kryebashkiaku Erion Veliaj ka tentuar ta “blejë” me para që ta mbajë pranë vetes. Deklaratën aktori e bëri në emisionin “Të Paekspozuarit” në MCN ku dhe ishte i ftuar. Julian Deda tha dhe se shumë nga aktorët e humorit që e mbështesin Veliajn përfitojnë para nga ai.
PJESË NGA BISEDA:
Ylli Rakipi: Njëlloj si ty ka disa personazhe të tjerë të humorit, që mbështesin publikisht parti të caktuara. Kujtoj Gaz Pajën që pozon me Erion Veliajn shpesh. Apo Bes Kallakun me Ilir Metën. Si ka mundësi që politika hyn kaq thellë te humori? Apo ju duhet politikanëve?
Julian Deda: Erion Veliaj del në fotografi me gjithëkënd. Del ai, po nuk doli në fotografi nuk jeton dot, sepse fotografia e mban.
Ylli Rakipi: Nejse në krahasim me Lulin që ka qenë kryetar bashkie edhe bën ndonjë punë.
Julian Deda: Luli ka qenë më i mirë si kryetar bashkie.
Ylli Rakipi: Luli ka qenë zero, po nejse është tjetër temë kjo.
Julian Deda: Sa i përket Gazit, Besit, nuk kam asnjë paragjykim, madje më vjen mirë që e shprehin krejt publikisht atë që mendojnë.
Ylli Rakipi: Një politikani sigurisht i duhen personazhe si ju dhe sidomos në fushata elektorale. Erioni i bëri copë copë këta të gjithë. Është një mënyrë për të marrë vota. Edhe doktori merrte Ardit Gjebrenë dikur… Kjo është e përdorur.
Po një humoristi çfarë i duhet marrëdhënia e ngushtë me një politikan? Mos fitojnë gjë?
Julian Deda: Nuk është se krijojnë marrëdhënie të ngushtë. Mund të ketë përfitime. Nuk e di. Kanë dalë thashetheme plotë, por secili ka ndjesinë e vetë. Unë nuk e kam këtë ndjesinë.
Ylli Rakipi: Ty të ka shkuar ndonjëherë mendja, ke kapur ndonjë gjë?
Julian Deda: Ky ka dashur të më japë mua (Veliaj).
Ylli Rakipi: Edhe nuk e ke pranuar?
Julian Deda: Sigurisht nuk e kam pranuar.
Ylli Rakipi: Mos ke bërë gabim o Juli? Se këta që i kanë pranuar…
Julian Deda: Prania e humoristëve është e mirë, është e bukur, nuk ka asgjë të keqe. Ne jemi njerëz të mirë në fund të ditës.
Ylli Rakipi: Jam dakord. Por, është kjo ideja që politikanëve u duheni dhe vrapojnë të marrin humoristët.
Discussion about this post