26-vjeçari Klaudio Asllani është arrestuar ditën e sotme në Korçë, pasi lëvizte me armë. Pas kontrollit Policia e Korçës ka sekuestruar një pistoletë dhe disa fishekë. I arrestuari ishte me precedent të mëparshëm penal në fushën e krimeve kundër personit. Bazuar në informacionet e marra në rrugë operative se një shtetas që kishte dalë muajt e fundit nga burgu, dyshohet se do të kryente një vrasje me pagesë, kanë finalizuar me sukses operacionin policor të koduar “Matrix”, si rezultat i të cilit u bë kapja dhe arrestimi në flagrancë i shtetasit.
Sapo ka konstatuar se ishte nën ndjekjen e Policisë, i riu është përpjekur të largohet me shpejtësi dhe ka nxjerrë nga brezi, armën e mbushur, të cilën e ka hedhur në një kosh, në anë të rrugës. Arma u sekuestrua nga shërbimet e Policisë, në cilësinë e provës materiale. Gjithashtu u procedua penalisht, për veprën penale “Moskallëzimi i krimit”, një 17-vjeçar, që, në momentin e kapjes, ka qenë i shoqëruar me shtetasin K. A. 17-vjeçari dyshohet që ka pasur dijeni se shtetasi se Asllani mbante me vete armë zjarri.
Discussion about this post