Një 37-vjeçare u masakrua me thikë në orët e para të mëngjesit të djeshëm në Elbasan, nga bashkëjetuesi i saj të cilin e kishte kallëzuar dhe në polici. Ramis Mici, goditi disa herë me thikë Jetlira Elezin, e cila humbi jetën në shtëpinë e marrë me qira.
Pas vrasjes, Ramis Mici u arratis dhe policia nuk ka mundur ende që ta vërë në pranga, duke shtuar dhimbjen për familjarët e viktimës.
Pronarët e banesës ishin të parët që gjetën gruan e pajetë në mes të dhomës. Sipas pronarit Xhafer Zdrava, dhoma e gjumit ishte e mbushur me gjak, ndërsa 37-vjeçarja ishte gjetur e vdekur në afërsi të dhomës së ndenjës.
Dje familja e Jetlirës ka hapur dyert e mortit, por në shtëpinë e saj po flitet për hakmarrje. Është pikërisht vëllai i Jetlirës, i cili ka kërcënuar sot në rrjetet sociale. Ai është zotuar se do të vrasë Ramisin, por edhe familjen e tij.
Në një postim në Facebook, ai shkruan:
U prefsh npaqe o Ramiz Mici u preft npaqe familia jote fmit e tuj. Po ju them Juve u prefshit npaqe se smund tja them motres time qe ti I ngule thiken sot. Po ja u them juve si familje sepse pa ti vra 4 pjestar familje as ke varri skam per ti shku nese sju vras…ke 4 njolla gjaku ktu nfoto qe kto 4 njolla gjaku qe ti I derdhe nga motra ime d’un 4 koka nga familja jote…
Discussion about this post