Gjatë muajit korrik janë plagosur rëndë tre pushues nga motorët e ujit ndërsa shumë të tjerëve u është rrezikuar jeta në plazhet e vendit. Pas ngjarjeve të rënda dhe denoncimeve të vazhdueshme për sjelljen e rrezikshme të disa përdoruesve kryesisht të motorëve të ujit, policia kufitare ka shtuar patrullimet në të gjithë vijën bregdetare. Në Shëngjin, fatmirësisht nuk ka pasur aksidente, por as atje shkelësit e rregullave të lundrimit nuk mungojnë.
“Puna jonë ditore konsiston në kontrollet dhe detyrimet që kanë qytetarët që përdorin mjetet ujore. Janë ndëshkuar rreth 9 qytetarë për thyerjen e rregullave detare dhe u janë bllokuar mjetet” – është shprehur shefi i Stacionit të Policisë Kufitare në Shëngjin, Komisar Emiliano Resulaj.
Ai u bën thirrje qytetareve që të denoncojnë çdo problematike në det dhe reagimi do jetë i menjëhershëm. Në bregdet ndërkohë problem mbetet zhurma, kjo dhe për faktin se ka munguar bashkëpunimi ndërinstitucional. Sezoni turistik në Lezhë ka nisur zyrtarisht që prej fundit të muajit maj dhe deri tani nuk është regjistruar asnjë ngjarje e rëndë.
Discussion about this post