Pasi ia dha me koncesion aeroportin “Nënë Tereza”, kryeministri Edi Rama tashmë po i bën edhe reklamë investimeve të Shqefqet Kastratit tek biznesi që do e menaxhojë për 13 vite. Ai ka inauguruar investimin e fundit të Çetit, terminalin e ri të aeroportit të Rinasit dhe nuk ka nguruar që të fajësojë edhe koncesionarin e vjetër për grabitjen e famshme të lekëve brenda pistës së aeroportit.
Sipas tij, shkak për skandalin e grabitjes ka qenë koncesionari i mëparshëm, që siç shpjegoi ai nuk ka plotësuar kriteret dhe standardet për të administruar aeroportin. Po ashtu, ai tha se tashmë siguria është rritur, teksa theksoi se është shtuar edhe numri i punonjësve të policisë.
“Siguria që ka qenë problem në këtë aeroport. E mbajt mend me shqetësim dhe revoltë skandalin e futjes deri në pistë të një bande e cila për fat të mire u vu prapa hekurave si rezultat i mos plotësimit të standardeve nga ana e kompanisë që operonte dhe administronte aeroportin më parë. Policia e cdo vendi bën simulimet e nevojshme, jep sugjerimet dhe asiston operatorët në marrjen e masave të sigurisë. Për fat të keq kjo nuk ndodhi në koncesionarin e mëparshëm. Falë edhe një plani shumë pozitiv dhe gatishmërisë së operatorit është shtuar numri i punonjësve të policisë këtu dhe të gjitha këto janë në funksion të përmirësimit dhe rritjes së cilësisë së shërbimit për pasagjerët” – tha Rama.
Discussion about this post