Disa ditë pas arrestimit të ish-efektivit të RENEA-s, Remal Rada dhe Elton Hithi, prokuroria e Lezhës ka arritur t’u marrë kampione të ADN-së nga të dy ata.
Ish-efektivi i RENEA-s dhe Elton Hithi u arrestuan nga operacioni “Double Strike” disa ditë më parë pasi iu gjet një snajper në makinë e më pas një arsenal armësh.
ADN-ja e tyre është marrë në zbatim të një vendimi të Gjykatës së Lezhës, për llogari të hetimit të ekzekutimit me snajper të Kastriot Reçit, janarin e vitit 2020 në qendër të Rrëshenit.
Sipas burimeve, profili gjenetik i Radës e Hithit do të krahasohet me ADN të gjetur në snajperin dhe rroba të autorit të ngjarjes, ende i paidentifikuar.
Mostrat e ADN-së Radës e Hithit iu janë marrë në ambientet e burgut 313 në Tiranë ku ata po qëndrojnë në masën e sigurisë “arrest në burg”.
Pas arrestimit, Rada e Hithi, refuzuan të jepnin mostra ADN-e, ndërkohë që armet e gjetura në dy banesa të Radës janë dërguar për ekspertim, për të verifikuar nëse rezultojnë të jenë përdorur në ngjarje kriminale.
Discussion about this post