Në një postim në Facebook, deputetja e Partisë Demokratike, Flutura Açka është shprehur se 7-vjeçarja që humbi jetën pasi u përplas nga një gomone, që drejtohej nga punonjësi i policisë Arjan Tase, u vra nga babëzia. Açka shkruan se babëzia nuk lanë një metër plazh publik për shqiptarët dhe asnjë plazh të qetë për familjarët. Ajo gjithashtu u kërkoi familjarëve se nëse kryeministri Edi Rama dhe ministrja e Turizimit, Mirela Kumbaro, u shkon me lule në mort tek dera ta përzënë, sepse sipas saj sot duhet të japin dorëheqjen.
“Vaj për një fëmijë që e vrau babëzia. Ngushëllime të thella familjes së vajzës 5-vjeçare J.A, e vrarë sot nga skafi në Himarë! Dhe iu bëj thirrje njerëzore t’i përzënë nëse u shkojnë te dera këta të dy me lule në mort. Këta të japin dorëheqjen para shqiptarëve! Se nga babëzia nuk lanë një metër plazh publik për shqiptarët dhe asnjë plazh të qetë për familjarët. Kjo që po them nuk është politike, por njerëzore. Të pangopur!!!” – shkruan Açka në facebook.
Discussion about this post