Skluptori i njohur Thanas Papa ka ndërruar jetë në moshën 91-vjeçare.
Papa ishte i diplomuar në vitin 1957 me Medalje Ari në Institutin “Rjepin” te Akademisë së Arteve te Bukura të Leningradit.
Po ashtu ai ishte fitues i shumë çmimeve kombëtare dhe ndërkombëtare. Thanas Papa ka qenë i persekutuar nga regjimi komunist, për shkak të gruas ruse, me te cilën u detyrua të divorcohej në vitin 1961 dhe ajo u rikthye në Moskë.
Fitues i çmimeve ndërkombëtare
Edhe pse Thansi u detyrua dhjetë vjet që të punonte në prodhim, megjithë sulmet e padrejta, ai nuk e lëshoi kurrë daltën nga dora, por vazhdoi që të punonte në heshtje në studion e tij. Ai, ka marrë pjesë në të gjitha Ekspozitat Kombëtare që janë organizuar para viteve ’90-të, duke fituar dy çmime të para, katër të dyta, dhe një të tretë. Gjatë karrierës së tij artistike, ka realizuar mbi 200 punime, nga të cilat 140 janë të njohura, dhe të regjistruara në Sektorin e Studimeve në Galerinë Kombëtare të Arteve. Po kjo galeri në fondin e saj ka 6 skulptura të Thanasit, ndërsa 10 të tjera, janë të vendosura në muzeume të rretheve, kurse 38 bazorelievë dhe statuja, janë të vendosura në pjesë të ndryshme të vëndit. Po kështu, Thanasi ka marrë pjesë me punimet e tij edhe në ekspozita ndërkombëtare, si: në Moske, Bukuresht, Sofje, dhe Aleksandri, ku fitoi dhe çmimin e tretë me monumentin “Zgjimi i Afrikës”. Për këtë çmim shtypi ndërkombëtar e ngriti në majë, për profesionalizmin e tij. Ndonëse Thanasi, ka 28 skulptura në vëndet e ish Bashkimit Sovjetik, si dhe i vlerësuar si një nga mjeshtrit më të mëdhenj të skulpturës shqiptare, ai u përndoq, u godit, dhe u la në hije, për arsyen e martesës me gruan e tij ruse, Valentina, të cilën mundi ta rishihte dhe ta takonte në vitin 1991, së bashku me vajzën e tyre, tashmë 30 vjeçare. Shkak për këtë gjë u bë bashkëshortja e dytë e Thanasit, arkitektja e njohur, Shpresa Papa, e cilë të gjitha kursimet që ata i kishin mbledhur me mund e sakrifica që nga fillimi i viteve ’80-të kur u martuan dhe krijuan familje, ia dha Thanasit dhe e nxiti që ai të shkonte në Moskë për të takuar Valentinën dhe vajzën, me të cilat ishte ndarë përdhunshëm nga regjimi komunist, plot 30 vite më parë. Tashmë në moshën 90-vjeçare dhe me një jetë plot privacione, Thanas Papa së bashku me Shpresën ndjekin me kënaqësi punët e dalit të tyre, Besit, gjithashtu një nga skulptorët më të talemtuar të brezit të ri ta pas viteve ’90-të (i diplomuar në Akademinë e Arteve të Bukura në Tiranë), si dhe vajzës së tyre, arkitekte.
Discussion about this post