Lëvizja Socialiste për Integrim doli jashtë çdo pritshmërie nga zgjedhjet, ku mori vetëm 4 mandate nga 19 që ka pasur në zgjedhjet e kaluara, të cilat ndahen, 2 në Tiranë, 1 në Fier dhe 1 në Shkodër.
4 kandidatë nga radhët e LSI-së do të ulen në parlament, por Kryemadhi duhet të bëjë një zgjedhje ‘të vështirë’. Kjo parti fitoi dy mandate në Tiranë, që i takon Erisa Xhixho dhe vetë Kryemadhit, ndërsa i treti është Petrit Vasili. Edhe në Fier, Kryemadhi është në krye të listës e ndjekur nga Kejdi Mehmetaj. Në Elbasan, është sërish Kryemadhi bashkë me Altin Toskën.
E thënë ndryshe, Kryemadhit i duhet të zgjedhë nëse në parlament do futet me Petrit Vasilin, ose me Kejdi Mehmetin. Nëse kryetarja e LSI del deputete nga kandidimi në Fier, ‘digjet’ Mehmetaj, por kjo do t’ja kalonte automatikisht mandatin Vasilit në Tiranë. Nëse Kryemadhi zgjedhë të dalë deputete nga kandidimi në Tiranë, Vasili mbetet jashtë. Mbetet për t’u parë kë do të zgjedhë kryetarja e LSI-së.
