Kreu i PD-së, Sali Berisha, nuk i ndali akuzat e forta për kryeministrin Rama nga takimi që po zhvillon në Vlorë. Në fjalën e tij Berisha u ndal dhe te projekti i qeverisë për legalizimin e kanabisit. Ish-kryeministri theksoi se Edi Rama si një ish-përdorues droge kërkon që ta përcjellë këtë në mbarë vendin. Sipas Berishës, me këto taktika Rama kërkon të shpërbëjë thelbin e familjes shqiptarë, ndërsa vë kështu më shumë në rrezik të ardhmen e fëmijëve tanë.
“Familja shqiptare është subjekt i kërcënimeve të mëdha, i rreziqeve të mëdha, i agresorëve të shumtë, pastor Akil Pano dhe Erion Kristo kanë ngritur zërin në studiot televizive. E them me keqardhje të madhe se PD devijoi nga vlerat e saj themelore të programit të saj. Jo që nuk u bë avokate e këtyre vlerave, por me heshtjen e saj kontribuoi qëndrimeve herë-herë anti-familje dhe armiqësore ndaj familjes. Ju garantoj se kjo periudhë merr fund.
Këtu ju keni rreshtuar të gjithë problematikën në tërësinë e saj dhe biem dakord se për fat të keq s’ka asgjë që ndikon më shumë në familje se qeverisja. Po jap dy tre shembuj. Ky që është sot në qeveri dhe që rëndom thuhet se ka qenë përdorues droge, thotë se do pyes anketën për të. Çfarë u ofron ky fëmijëve tanë, nipërve dhe mbesave, u ofron drogën si alternativë. Që është një shtrat i krimit dhe i shkatërrimit të shëndetit. Ky që mund të ketë qenë vetë përdorues kërkon ta përcjellë këtë në mbarë shoqërinë shqiptare”, u shpreh Berisha, ndërsa ka thënë më tutje se goditja e fundit që Rama po i jep vendit është largimi i të rinjve dhe shkatërrimi i familjeve të shëndetshme shqiptare.
Discussion about this post