Laçi ka zyrtarizuar pasuesin e Shpëtim Duros, me klubin kurbinas që ka vendosur t’i besojë sërish drejtimin e skuadrës, Dejan Vukicevic.
Malazezi është një emër i njohur për Laçin duke qenë se vetëm në sezonin e kaluar ishte në rolin e “timonierit” të skuadrës, por u shkarkua në fillimin e kampionatit prej rezultateve të dobëta.
Megjithatë, këtë herë duket se presidenti Pashk Laska, beson se Vukicevic do të mund të ketë një rrugëtim të ndryshëm dhe të udhëheqë ekipin në kampionat.
Vlen të theksohet se 54-vjeçari prej kohës kur u nda me kurbinasit nuk është angazhuar me ndonjë skuadër tjetër dhe kështu rikthehet të vijojë karrierën aty ku e ndërpreu vjet.
View this post on Instagram
Discussion about this post