Një vatër e re zjarri është aktivizuar mbrëmjen e kësaj të mërkure në afërsi të TEG, në Tiranë. Mësohet se drejt vendit të ngjarjes janë nisur zjarrfikëset. Bëhet me dije që pranë zjarrit ndodhen dhe disa banesa.
Ende nuk bëhet me dije se çfarë është duke u djegur. Kujtojmë se prej kohësh vendi ynë është përfshirë nga vatra zjarri nga veriu në jug. Zjarret në afërsi të banesave pak ditë më parë rrezikuan dhe jetën e një banori në Dropull, i cili desh humbi jetën nga tymi që mbuloi zonën.
Ai u transportua fillimisht në spitalin e Gjirokastrës dhe më pas në Janinë, ku dhe gjendja e tij u stabilizua. Ndërkaq për të shuar zjarret në zonë, të cilët ishin shumë afër banesave u desh ndërhyrja e tre helikopterëve nga Greqia.
Discussion about this post