Në një deklaratë për mediat pasi ka dalë nga shtëpia e familjes Avdia, krydemokrati, Sali Berisha, ka konfirmuar prezencën e tij në protestën që do të zhvillohet ditën e sotme përballë Ministrisë së Brendshme. Berisha tha se do të jetë sot në protestë si qytetar, sëbashku me anëtarë dhe deputetë të tjerë të Partisë Demokratike. “Do jem në protestë si qytetar. Unë dhe PD do jemi si qytetar”, tha Berisha.
Shoqëria civile do të zhvillojë pasditen e sotme, në orën 19:00 një protestë para Ministrisë së Brendshme, ku do të kërkohet dorëheqja e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro. Protesta e cila ka moton “Nuk e vrau varka, por shteti”, vjen pas tragjedisë së ndodhur në plazhin e Potamit në Himarë, ku vogëlushja 7-vjeçare, Jonada Avdia, u aksidentua për vdekje nga një skaf që drejtohej nga komisari Arjan Tase.
Discussion about this post