Një 62-vjeçar, i identifikuar si Luka Jazxhi ka rënë në prangat e policisë pas dhunës së ushtruar ndaj një gazetareje dhe vajzës së tij invalide. Mësohet se 62-vjeçari, banues në fshatin Ponçarë, Devoll ka dhunuar vajzën e tij, shtetasen G.Ç, 33 vjeçe si dhe ka goditur gjatë detyrës gazetaren M.M, 32 vjeçe.
Mësohet se gazetarja kishte shkuar në Devoll për të bërë një kronikë me vajzën e dhunuesit, shtetasen G.Ç, për një emision investigativ.
“Ushtroi dhunë fizike ndaj vajzës së tij dhe goditi gazetaren e emisionit investigativ gjatë ushtrimit të detyrës, vihet në pranga 62-vjeçari.
Specialistët për Hetimin e Krimeve në Komisariatin e Policisë Devoll bënë arrestimin në flagrancë të shtetasit Luka Jazxhi, 62 vjeç, banues në fshatin Ponçarë, Devoll, për veprat penale “Dhuna në familje” dhe “Dëmtime të tjera me dashje”.
Shtetasi i mësipërm, ditën e djeshme, në fshatin Ponçarë, Devoll, ka ushtruar dhunë fizike ndaj vajzës së tij, shtetases G. Ç., 33 vjeçe, si edhe ka goditur gjatë detyrës shtetasen M. M., 32 vjeçe, banuese në Tiranë, me detyrë gazetare, e cila do të realizonte një kronikë me shtetasen G. Ç., për një emision investigativ.”-njofton policia.
Discussion about this post