Deputeti i Partisë së Lirisë, Petrit Vasili, ka reaguar pas vendimit të Bordit të Transparencës për çmimet e reja të karburanteve dhe ka akuzuar qeverinë se po vjedh hapur qytetarët. Vasili tha se pasqyra tronditëse e vjedhjes janë çmimet e naftës në Maqedoni, Mal të Zi e Kosovë. Ai kërkon shkrirjen urgjente te “Bordit te Hajduteve, qe vendos çmimin e Naftes” si dhe ulje e taksave mbi karburantet.
“Çfarë vjedhje e hapur, Bordi i Hajduteve ul vetëm 1 lek naftën! Sot Bordi i Hajduteve uli çmimin e Naftës me 1 lekë. Po po e lexuat mire vetëm e vetëm 1 lek. Po vjedhje kaq e hapur, kaq e paturp dhe kaq flagrante nuk është parë. Presidenti i Shteteve të Bashkuara të Amerikës Biden deklaron botërisht se: “Çmimi i Naftës është në rënie rekord”, deklaroi Biden. Po hajdutët e qeverisë vazhdojnë të vjedhin dhe vetëm të vjedhin. Pasqyra tronditëse e vjedhjes janë çmimet e naftës në Maqedoni, Mal të Zi e Kosovë. Ka vetëm dy zgjidhje shumë të qarta dhe të thjeshta:
1.Shkrirja urgjente e Bordit te Hajdutëve, që vendos çmimin e Naftës.
2.Ulje e taksave mbi karburantet.
(Projektligji i propozuar nga unë në Parlament për heqjen e Taksës së Qarkullimit dhe të Karbonit është që në mars i bllokuar nga hajdutët e rilindjes).
Kjo vjedhje po ju bëhet shqiptarëve ditën për diell kërkon hetim dhe ndëshkim të rreptë. SPAK po ulërin gjithë Shqipëria, bëni detyrën! SPAK po ju vjedhin edhe juve kur furnizoni makinat me Naftë, qofshi ju që jeni që hani turpin me bukë!” – shkruan Vasili në facebook.
Discussion about this post