Mediat kroate kanë publikuar pamje nga momenti kur autobusi i aksidentit tragjik me 12 persona largohet nga vendi i ngjarjes. Mendohet se shoferi humbi kontrollin e timonit gjatë udhëtimit, duke dalë nga rruga.
Aksidenti ndodhi të shtunën rreth orës 05:25 në autostradën Goriçan – Zagreb në drejtim të kryeqytetit kroat, kur drejtuesi i autobusit të regjistruar në Poloni ka humbur kontrollin e timonit, i cili është kthyer djathtas, ka depërtuar parmakun dhe është përplasur në kanalin kullues jashtë autostradës.
Në autobus ndodheshin në total 44 persona, 42 pasagjerë dhe dy shoferë.
Mediat kroate kanë publikuar pamjet e udhëtimit të autobusit polak, që rezultoi të ishte i fundit për 12 pelegrinë, pas aksidentit që ndodhi në autostradën afër Breznicës të shtunën.
Mediumi “Jutarnji list” ka në posedim të saj pamjet video nga kamerat e vëzhgimit nga nyja Breznički Hum, ku është “kapur” autobusi polak që udhëtonte drejt Zagrebit 7 minuta para aksidentit.
Ivan Ivančan ishte ndër të parit në vendin ku u përplas autobusi, aksident me pasojë vdekjen e 12 personave.
“Një shofer fluturoi nga xhami i përparmë dhe tjetri ishte në autobus. Unë nuk kam përjetuar diçka të tillë që kur kam qenë zjarrfikës dhe jam 60 vjeç. Kishte shumë ambulanca, zjarrfikës dhe police. Ishte e tmerrshme, bëmë gjithçka që mundëm për të nxjerrë viktimat dhe të plagosurit”, shtoi ai.
Discussion about this post