Ish-kryeministri, Sali Berisha ka denoncuar një tjetër masakër mjedisore në Durrës, ku sipas tij, qyteti noton në ujëra të zeza, në “sezonin turistik më të përsosur” të Edi Ramës. Berisha shkruan se miliona euro shkojnë për inceneratorët dhe masakër mjedisore për banorët.
“Durrësi noton në ujëra të zeza, në “sezonin turistik më të përsosur” të Edi Ramës. Miliona euro për incineratorët, masakër mjedisore për banorët! Lexoni mesazhin dhe shikoni foton e qytetarit duxhital. sb
Doktor banorëve të Durrësit të ri nuk u ndahet masakra mjedisore prej dy dekadash. Ndonëse paguhen miliona euro për inceneratorët dhe ne si banorë të kësaj zone paguajmë dhe taksë gjelbërimi, ajo ca shteti ofron është masakra mjedisore. Këto pamje i përkasin Rrugës “Azem Hajdari” në Durrës ku jeta e banorëve kërcënohet nga ujërat e zeza të hapura në mes të bllokut të banesave. Fondi Shqiptar i Zhvillimit ka nisur punimet por asnjë masë për ujërat e zeza, duan ta lënë kanalin të hapur pasi po vidhen fondet. Ky është sezoni turistik më i përsosur i Edi Ramës. Me dhjetëra banorë të zonës përballen me sëmundje kancerogjen” – shkruan Berisha në facebook.
Discussion about this post