Policia ka zbardhur detaje të reja nga sherri që ndodhi dje në Sarandë mes një pronari restoranti dhe një turisti. Në videot e publikuara dje, pronari i një lokali, i identifikuar si Alban Çova, ka pasur një përplasje me klientët, madje në një moment ai shihet ne thikë në dorë. Mësohet se motivi ka qenë fatura e lartë, që klienti nuk ka pranuar ta paguaj me pretendimin se çmimet janë përtej normales.
Klientët janë ankuar për faturën e shtrenjtë dhe kanë refuzuar të paguajnë, ndërsa Çova, 48-vjeç mori një thikë dhe filloi t’i ndiqte në rrugë. Kalimtar të rasitit kanë ndërhyrë mes tyre dhe i kanë ndarë e më pas kanë njoftuar policinë.
Pas ngjarjes 48-vjeçari është shpallur në kërkim nga policia. Kjo nuk është hera e parë që ngjarje të shëmtuara ndodhin në Shqipëri, ku pak vite më parë Mihal Kokëdhima bëri të njëjtin gjest ndaj klientëve duke i sharë dhe kërcënuar, madje i ndoqi në rrugë edhe me makinë.
Discussion about this post