Sot për protestë të fuqishme/ Berisha: Rama arrogant mbron Kumbaron dhe Çuçin

Kryedemokrati Sali Berisha ka paralajmëruar protestë të fuqishme ditën e sotme për vrasjen e 7-vjeçares në Himarë. Përmes një postimi në Facebook, ai shprehet se është e qartë që Rama do të vazhdojë të mbrojë veten Çuçin dhe Kumbaron, prandaj ditën e sotme protesta duhet të përshkallëzohet dhe qytetarët të mos dorëzohen  derisa përgjegjësit të dalin para drejtësisë.

“Edi Rama arrogant mbron veten, Çuçin e familjes dhe Kumbaron, refuzon kërkesat e qytetarëve.  Sot qytetarët në protestë të fuqishme në orën 19:30 për largimin e Çuçit, Kumbaros dhe Nanos.  Mbështetje të plotë protestës dhe kërkesave të qytetarëve”, shkruan ai.

Kujtojmë se edhe në protestën e 4 gushtit Berisha ka qenë i pranishëm, nga ku deklaroi se doli në shesh si qytetar dhe i zhveshur nga kostumi politik.