Edhe pse prej katër ditësh qytetarët i kërkojnë dorëheqjen, pasi është një nga përgjegjësit për vdekjen e Jonadës në Himarë, ministri i Brendshëm Çuçi del në deklaratë për t’i thurur elozhe policisë. Pak minuta më parë, Çuçi ka dalë në një deklaratë për shtyp dhe ka folur për aksionin e sotëm në Vlorë, ku u kapën 1 tonë hash. Duke harruar realitetin, duke injoruar tragjedinë në Himarë si dhe 3 atentate që kanë mbetur pa autorë, ministri ka thënë se me aksionin e sotëm policia vendase tregoi profesionalizëm dhe po garanton sigurinë për qytetarët.
“Operacioni i sotëm ndërkombëtar në Vlorë mes Policisë së Shtetit dhe Guardia Di Finanza për goditjen e një grupi të trafikut të drogës me mjete lundruese dhe sekuestrimin e një rreth 1 ton marijuanë, është një tjetër dëshmi domethënëse e profesionalizmit dhe forcës goditëse pa asnjë kompromis kundër krimit të organizuar. Përgëzime të gjithë oficerëve shqiptarë e italianë që morën pjesë në këtë operacion të mirëkoordinuar nga ajri, deti dhe toka. Qëndrojmë frontalisht të vendosur për të vijuar luftën e vazhdueshme me të keqen, me bindjen se vetëm në këtë mënyrë krijojmë siguri për shoqërinë dhe garantojmë të ardhmen tonë”, u shpreh ai. Me këtë propagandë dhe lavde, Çuçi nuk mund të fsheh realitetin ku shqiptarët nuk janë të sigurt as në tokë e as në det.
Discussion about this post