Pas shpërthimit të municioneve, zjarri në fshatin Dushkarak po përparon akoma më shumë duke marrë përpara dhe banesa. Mësohet se vatra e madhe e zjarrit që ka përfshirë fshatin e Selenicës, po shkrumbon tre banesa, fatmirësisht të pabanuara.
Sjellim në kujtesë që pak momente më parë, banorët e këtij fshati u terrorizuan nga zhurma të fuqishme shpërthimesh, që dyshohet të jenë nga mbetjet e municioneve në këtë zonë.
Zjarrfikëset kanë mbërritur në vendngjarje, por era e fortë që ka përfshirë sot vendin po i favorizon më shumë flakët.
Më herët, Ministria e Mbrojtjes raportoi se në vend janë aktive disa vatra zjarri, duke theksuar si zonat më me rrezik Krujën, Durrësin dhe Shkodrën. Ndërsa prej ditësh vazhdon zjarrin në Kurbin, duke djegur disa hektarë pyje dhe kullota.
Discussion about this post