Një zjarr i fuqishëm ka përfshirë kodrat e “Shën të Premtes” këtë pasdite. Mësohet se zjarri ka përfshirë një sipërfaqe prej 20 hektarësh, duke djegur shkurre dhe ullishte. Flakët të favorizuara nga era e fortë po përhapen masivisht.
Zjarri po kalon në Kodrat e Divjakës, afër fshatit Gërmenj. Në vendngjarje kanë shkuar 2 mjete zjarrfikëse të Divjakës që po punojnë për izolimin e vatrave.
Zjarret masive kanë përfshirë vendin prej ditësh. Vatra aktive ka në Mat, Mirditë, Shkodër dhe Vlorë. Forcat e ushtrisë dhe zjarrfikëset kanë dalë në terren, por ndërhyrje nga ajri nuk ka ende.
Discussion about this post