Fifi nuk heziton të shpreh dhe të ndajë me të gjithë lumturinë e saj, teksa është shprehur e sigurt se ka gjetur dashurinë e jetës. Së fundmi, këngëtarja ishte e ftuar në “Prive Reality”, ku sigurisht pjesa më e madhe e bisedës së saj u përqendrua tek lidhja me Adisin.
Një ndërhyrje e moderatores Roza Lati, e cila ishte po ashtu e ftuar, në lidhje me planet për fëmijë, Fifi e devijoi përgjigjen. Ajo u shpreh se “po pret” që partneri i saj si fillim t’i propozojë. Ndër të tjera ajo shtoi se në këtë aspekt nuk do dëshironte kurrë ta merrte hapin e parë ajo.
“Është një problem unë s’i propozoj atij, rasti i vetëm ku unë jam një femër. Se gjithnjë kam qenë burri,”-tregoi Fifi.
Më tej e pyetur për dashurinë e saj, siç e konsideron Filloreta nuk i kurseu fjalët e ëmbla për Adisin. “Kam menduar por tani e kam kuptuar çfarë është dashuria. E kam për herë të parë. Adisi më ka bërë të vlerësoj veten, më ka bërë të kuptoj vlerën time si njeri dhe si femër. Në ditën e parë që e kam takuar kam thënë që “si është i duhuri.”- u shpreh këngëtarja.
Ndërkohë Fifi dha një këshille mbi zhgënjimet në jetë. Këngëtarja u shpreh nga përvoja personale se ato nuk janë asgjë veçse një mësim.
“Jam falënderuese për zhgënjimet dhe gabimet në jetë. Ato të bëjnë më të fortë, ose të shtojnë nivelin e njërzillëkut. Mua më kanë bërë të piqem shumë dhe të kuptoj shumë gjëra ndryshe dhe të reflektoj në shumë situate. Unë ndonjëherë vuaj shumë dhe them pse nuk jam njeri normal, të punoj një punë normale, ndalem dhe mendoj “pse”. Pastaj thua më mirë kështu,”-përfundoi ajo.
Discussion about this post