Një ngjarje rëndë ka ndodhur në fshatin Shaptej të Deçanit, ku si pasojë është plagosur rëndë një i mitur. Bëhet me dije se ai është goditur disa herë me thikë nga një bashkëmoshatar i tij, duke marrë plagë të rënda në trup. Mësohet se i mituri është dërguar me urgjencë në spital, ku ndodhet në gjendje të rëndë shëndetësore.
I dyshuari është arrestuar dhe me vendim të prokurorit po merret në pyetje për të zbuluar më shumë rreth ngjarjes dhe arsyes që çoi dy të rinjtë në këtë konflikt, që për pak rezultoi fatal për njërin prej tyre. “VRASJE NË TENTATIVË /Fsh. Shaptej, Deçan 08.08.2022 – 14:40. Është arrestuar i dyshuari mashkull kosovar i mitur, pasi që me një mjetë të mprehtë (thikë) kishte therur disa herë viktimën mashkull kosovar i mitur. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në njoftim. Ndërsa në pyetje po merren edhe disa të tjerë që kanë qenë të pranishëm në vendngjarje dhe kanë njoftuar policinë.
Discussion about this post