Zjarret që përfshinë gjatë ditës së djeshme Malësinë e Madhe, përpos bimësisë dhe shkrumbimit të hektarëve të tërë me pyje dhe shkurre, depërtuan dhe drejt banesa.
Mungesa e një ndërhyrjeje nga ajri bëri që 35 banesa në fshatin Grudë të Koplikut të digjeshin. Fatmirësisht banesat ishin të pabanuara dhe nuk pati të lënduar në njerëz.
Problematike situata paraqitet dhe në fshatin Gruemire në Malësinë e Madhe ku vatrat e zjarrit kanë djegur dhe kolektorin kryesor të Ujësjellësit në këtë zonë.
Administratori i Ujësjellës – Kanalizime Malësi e Madhe, Ndoc Prela, ka bërë me dije se defekti është tepër i rëndë, pasi është djegur kolektori 300, i cili është kryesori.
Si pasojë furnizimi me ujë i banorëve është ndërprerë.
Discussion about this post