Operatori i Sistemit të Shpërndarjes Elbasan ka reaguar për rastin e 48-vjeçarit i cili u vetëvar sot pasi jetonte në skamje. OSSH, ka hedhur poshtë raportimet e deritanishme se në shtëpinë e të ndjerit ishte ndërprerë furnizimi me energji elektrike.
“Operatori i Sistemit të Shpërndarjes, drejtoria OSSH Elbasan shpreh ngushëllimet e sinqerta familjes së shtetasit me inicialet F.Ç. i cili raportohet se ka ndërruar jetë ditën e sotme në fshatin Rrajcë të Përrenjasit.
Marrë shkas nga raportimet e publikuara në media rreth këtij rasti, OSSH Elbasan sqaron se ndryshe nga sa pretendohet në media, banesa e shtetasit në fjalë furnizohej dhe vazhdon të furnizohet me energji elektrike. Energjia në këtë objekt nuk është ndërprerë në asnjë moment.
Duke shpresuar në mirëkuptimin e mediave për saktësimin e raportimit, OSSH Elbasan gjen rastin dhe njëherë të ngushëlloje familjen për humbjen e njeriut të tyre të dashur.”
Discussion about this post