Zhdukja e Ervis Martinajt, dyshime se është vrarë

Zbardhet  kallëzimi i familjarëve të Ervis Martinajt. Kallëzimi është bërë nga xhaxhai i tij Faik Martinaj.

Ai tregon se është njoftuar nga një i afërm i tyre për zhdukjen e Martinajt, duke mos e përmendur emrin e tij për të ruajtur sigurinë. Ndërsa shprehet se dyshon që ai mund të jetë eleminuar nga grupe kriminale kundërshtare.

“Në lidhje me nipin tim, djalin e vëllait Ervis Martinaj, i cili është shpallur në kërkim nga prokuroria e posaçme kundër krimit dje rreth orës 22:00, jemi njoftuar nga një i afërmi jone, që për arsye sigurie nuk dua të përmend emrin, i cili nuk ndodhet në Shqipëri, por është nga Puka, me ka vënë në dijeni se Ervisi është zhdukur dhe nuk kishte kontakte me të. Dua të theksoj se që prej kohës që nipi Ervisi është shpallur në kërkim nuk kam patur asnjë kontakt me të drejtperdrejt apo në telefon, por vetëm nëpërmjet personave të afërm. Ne si familje kemi dyshime se Ervisit mund ti ketë ndodhur diçka e keqe nga grupe kriminale që kërkojnë ta eliminojnë. Ne kemi pritur deri ditën e sotme që mos kemi ndonjë kontakt me nipin Ervisin por nuk kemi arritur të kontaktojmë dhe nuk kemi asnjë lloj informacioni për vendndodhjen edhe gjendjen e tij. Sot në dreke rreth orës 12, të shqetësuar lidhur me gjendjen e nipit Ervisit, kam njoftuar punonjësin e policisë se komisariatit Kurbin Pjetër Tuci për sa thashë më sipër”.