Plagosja e punonjësit të IMT-së, plumbat kapin rastësisht edhe….

Plagosja e ndodhur pasditen e sotme në Tiranë, mund të kishte përfunduar me bilanc më të rëndë.

Kjo pasi një prej plumbave të qëlluar nga Qani Muça pronari i shtëpisë që shembi Inspektoriati i Mbrojtjes së Territorit ka përfunduar në një mjet të parkuar në zonë.

Bëhet fjalë për një makinë të llojit “Mercedes Benz”, me ngjyrë gri të mbyllur, pronari i të cilit ishte ulur në një bar kafe në momentin e ngjarjes. Duke qenë se Brenda mjetit nuk ka pasur asnjë person në ato çaste, dëmet kanë qenë vetëm materiale.

Qani Muça qëlloi në drejtim të tre inspektorëve në momentin që IMT-ja i shembi banesën. Një nga plumbat kapi një prej punonjësve të IMT-së, Ilirjan Gavelli. Muça është arrestuar, ndërsa Gavelli ndodhet në spital.