Ditën e djeshme Mali i Zi është tronditur nga një ngjarje e rëndë, pasi një person me armë ka vrarë 11 veta në Cetinjë. Për ngjarjen kanë folur edhe fqinjët e autorit, ku shprehen të tronditur duke thënë se askush nuk e priste një trishtim të tillë.
“Të gjithë kemi kokën ulur nga ajo që ka ndodhur. Bisha vrau fëmijët. Nuk ka justifikim. Askush nuk e priste një trishtim të tillë” – shprehet një prej tyre.
“Jemi veshur me të zeza. Të gjithë këta njerëz me të cilët kam ndarë të mirat dhe të këqijat prej vitesh. Vrau fëmijët të parët. Ata nuk kishin faj për asgjë. Fëmijët e tij tani po pyesin se kur do të jenë në shtëpi që të luajnë me ta” – është shprehur një tjetër.
Ndërsa një tjetër ka thënë se e gjithë familja e autorit kishte sjellje të çuditshme dhe se 15 vite më parë edhe vëllai i autorit të ngjarjes ka bërë një vrasje.
“E gjithë familja kishte sjellje të çuditshme. Jo vetëm ai. Vëllai i tij vrau veten 15 vite më parë, kur ai ishte akoma i ri. Kjo la një gjurmë të madhe edhe te pjesëtarët e tjerë”.
Ai e konsideron hero personin që vrau autorin e masakrës. “Neno është heroi ynë. Pa u menduar ai vendosi t’i dalë përpara vrasësit dhe të qëllojë në drejtim të tij”.
Discussion about this post