“Isha në depresion, ngela në mes të rrugës”, flet autori që plagosi inspektorin se i shembi shtëpinë

55-vjeçari, Qani Muça që plagosi me armë zjarri punonjësin e Inspektoriatit të Mbrojtjes së Territorit Ilirjan Gvaelli ka folur sot për ngjarjen dhe është shprehur se ka qenë në gjendje depressive. Në rrëfimin para oficerit të policisë gjyqësore, Muça tha se është dëshpëruar kur ka parë që i kanë shembur shtëpinë.

“E qëllova, isha në depresion se do më prishnin shtëpinë e mbeta në mes të rrugës,”- ka thënë ai.

Ngjarja e rëndë ndodhi një ditë më parë. IMT-ja shembi shtëpinë e Qani muçës dhe 55-vjeçari qëlloi me armë në drejtim të inspektorëve. Plumbi kapi 52-vjeçarin Ilirjan Gavelli, i cili ndodhet në spital pas plagosjes, ndërsa Muça është vënë në pranga.